Tema_15_infekcii_so_helikobakter
Споделете со пријателите!

Се проценува дека заразени се повеќе од 50% од возрасната популација во развиените земји, односно 80% до 90% од населението во земјите во развој. Заболени лица може да се развјат гастритис, гастричен или дуоденален улкус, аденокарцином на желудник или не-Хочкинов гастричен лимфом.

На вашите прашањата еднаш неделно ќе одговара д-р Роза Митрова

Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.


Споделете со пријателите!

ваше прашање (6)

  • Imam cir na zeludnik imam bolki sega sum bremena i neznam sto mozam da jadam da custvuvam pomalku bolka i dali e stetno za bebeto ovoj problem

    • Д-р Роза Митрова

      Почитувана Рахмина,

      Кај бремени жени советот за тетман на бактеријата оди во насока на користење на пробиотик Caps. Helicobalans 2×1 и дополнително капсули кои би ги намалиле тегобите од киселини. После породувањето и доењето може да се размислува за тројна терапија.

      Пожелно е да се консултирате со интернист околу другите детали.

  • Zdr imam hronicen gastritis imav i bakterija koja ja lekuvav so trojna terapija a pred edna nedela kasnav parce piza i po tri casa dobiv golemi bolki vo stomakot i naduenost primiv sistem go snimav somakot i doktorot ne znaese da mi kaze sto mi e mi rece ne mi e jasno od sto e predizvikano ova i togas eve mozam da kazam deka samo jogurt kiselo mleko i pilesko jadam i neznam sto uste e dozvoleno od ishrana da vnesuvam kolku dolgo treba da bidam na taa dieta .ne mi e jasno sto treba a sto ne treba da jadam ???

    • Д-р Роза Митрова

      Здраво Сашка,

      Присуството на Helicobacter pilory е значаен ризик фактор за појава на гастритис. Препишаната терапија треба да се прими целосно и по месец-два задолжително да се направи контрола, т.е да се испита степенот на ерадикација на бактеријата. Ако е потребно терапијата ќе се повтори при што препорачувам и употреба на пробиотик (Helicobalans) од две причини. Прво, заради ублажување на несаканите дејства на тројната терапија врз дигестивниот систем, и второ пробиотикот исто така ја намалува концентрацијата на бактеријата во желудникот. Можете и самостојно да го примате подолго време, нема никакви несакани ефекти. Ако имате болки користете по потреба антациди бидејќи имаат брзо дејство во намалување на болката или блокатори на протонска пумпа со кои ќе се регулира лачењето на желудочна киселина. Во секој случај ќе треба да внимавате на исхраната подолго време. Внесувајте помали оброци и вечерајте најмалку два часа пред спиење. Диетата треба да се состои од храна која содржи што помалку шеќер, сол и нездрави маснотии (Интегрален леб, ориз, варени компири, од зеленчук зелка, брокула, магдонос, морков, роквица, грав, грашок, леќа), од овошје (јаболко, банани, диња), од месо (пилешко, мисиркино, риба), јогурт, кисело млеко, јаткасти плодови, јајца, чај од ѓумбир. Не внесувајте полномасно млеко, млечни производи, избегнувајте домати, портокали и лимони, кафе, алкохол и газирани пијалоци.

      Поздрав,

  • Ми беше дијагностицирана хеликобактер пилори и чир на желудникот. Истите ги третирав со оспамокс, кларитомицин, еманера и пробиотик.По четири месеци направив контрола преку фецес и бактеријата пак беше присутна.Ќе ве молам да ми одговорите што лекарства да пијам и по кој редослед ,на гладно кој прв и на колку време.Однапред Ви Благодарам.

    • Д-р Роза Митрова

      Почитуван Панче,
      Лекувањето на Хеликобактер пилори најчесто се спроведува со т.н. тројна терапија во период од 1-2 недели (околу 10 дена) која подразбира третман со два различни антибиотика и еден инхибитор на протонска пумпа (го намалува лачењето на желудочната киселина), како и пробиотик. По десетдневната терапија третманот треба да продолжи со инхибитор на протонска пумпа за извесен период (до 2 месеца) и со пробиотикот. Меѓутоа, доколку бактеријата перзистира и покрај редовно користената терапија и пациентот има и понатаму симптоми, како во вашиот случај, тогаш се повторува тројната терапија со замена на еден од антибиотиците (нормално, во консултација со лекар). Би ви препорачал подолготрајно користење само на пробиотикот (HelicoBalans) кој исто така врши ерадикација на бактеријата, а ги нема несаканите и агресивни ефекти на антибиотиците. По неколку месеци ако е потребно, повторете ја тројната терапија. Би ви дала и неколку совети околу исхраната:
      • И во храната вклучете пробиотици, кои ги има во јогуртот, а и употребата на маслиново масло, ленени семки и масло, исто така, има позитивно дејство.
      • Познати се студии кои го откриваат антихеликобактер-дејството на брокулата, црвеното вино, лукот, зелениот чај.
      • Избегнувајте обилна, масна храна, чоколадо, пеперминт, алкохол, кисело и луто, бибер, како и газирани пијалаци со кофеин и цигари.
      • Општите правила во исхраната подразбираат забрана на внесување врела, ладна и јако кисела храна. Треба да се јаде почесто и помалку и храната треба полека да се џвака и да биде добро исечкана. Не се препорачува внесување големи количини на течности одеднаш. Млеко во големи количини не е пожелно, бидејќи има привремено неутрализирачко дејство, по кое уште повеќе се поттикнува лачењето на желудниковата киселина.
      • Сварено млеко со жита (овесни снегулки, ориз) поволно дејствува на слузокожата на желудникот. Се препорачуваат продукти како варен зеленчук, компоти, лeсни колачи со овошје, јадења со пилешко, риба и соја.

      Поздрав,
      Д-р Роза Митрова

Ваше прашање (6)

Вашата Емаил адреса нема да биде објавена.