Хороскоп за 9та недела: Прочитајте како хороскопските знаци се справуваат со променливите временски услови. Овните се метеоропати но не признаваат, додека Девиците се благодарни на честите временски промени бидејќи ќе имаат за што да зборуваат.
Овен
Повеќето од вас се големи метеоропати но во истовреме и многу издржливи, па најчесто го игнорирате времето и неговите промени. Ваш најчувствителен дел од телото е главата па затоа најчесто патите од главоболки, што е необично кога ќе се земе во обзир големината на главата со тие огромни рогови.
Бик
Вашиот натпреварувачки дух може да се натпреварува и со најлошите временски услови а на вашиот темперамент може да му позавидат и најопасните бури. Вашите нервози имаат свои нервози.
Близнаци
Промената на времето е вашиот непријател, но само кога ви е досадно. Тогаш почнувате да се жалите и уживате во улогата на жртва. Склони сте кон преувеличување и правење драма само за да бидете во центарот на вниманието.
Рак
Честите промени на временските услови ги чувствувате како конкуренција, бидејќи не постои никој друг знак во хороскопот кој менува расположение толку брзо колку што можете вие.
Лав
Ве нервира времето и секоја негова промена. Зошто? Бидејќи не можете да го контролирате а уште повеќе што временските прилики се обидуваат да ви го контролираат животот. Опуштете се, и вие сте луѓе како и сите други.
Девица
Да не беа честите промени на времето, вие со повеќето луѓе ќе немавте што да си кажете, така што времето е вашиот сојузник во моменти кога едноставно немате што да кажете.
Вага
Ви требаат неколку проверки на временска прогноза и неколку излегувања на прозор за да одлучите дали да излезете од дома. На крај, сепак ќе ѝ поверувате на временската прогноза наместо на вашето чувство за времето.
Шкорпија
Сите бури имаат женски имиња а тие жени сигурно би биле во знакот на Шкорпија. Вам времските услови ви го одредуваат животот и повеќето од вас патат од хормонален дисбаланс.
Стрелец
Вие гледате какво е времето надвор само кога нема сонце. Сè додека сонцето е присутно вие сте среќни и подготвени за авантури. Одвај чекате да дојде лето.
Јарец
Вашиот песимизам ужива во мрачните денови. Најмногу сакате да седите удобно во својот дом, додека надвор се случува бура а вие смирено да планирате како да успеете во животот.
Водолија
Вам не ви е важно кое годишно време е, а не пак каков е денот. Вие едноставно немате време да се занимавате со такви тривијалности и неважни случувања. Вашите мисли се резервирани само за сериозни и инспиративни мисли.
Риби
Во дождот можете да уживате само вие. Можете со часови да го гледате дождот низ прозорецот и да сонувате со отворени очи. Истата активност ја применувате и во животот. Повеќе сакате да го набљудувате својот живот оддалеку, отколку да учествувате во него.
