Параолимписки шампион побрз од олимпискиот [ВИДЕО]

Спортска историја се испишува на Параолимпијадата во Рио 

Алжирецот Абделатиф Бака, истрча со подобро време на 1.500 метри од Метју Сентровиц од САД, оправдувајќи го мотото на овогодинешните Параолимписки игри во Рио – „Да, јас можам“.

Тој, со резултат 3:48,29 стана нов светски рекордер на Параолимписките игри, а воедно и нов Параолимписки шампион во категоријата Т13. Ознаката „Т“ се однесува на спортисти кои настапуваат на патеката, а 13 е трета категорија за слепи лица и лица со оштетен вид. Тоа што е интересно е дека Алжирецот со овој резултат е подобар Метју Сентровиц (3:50,00), добитникот на злато на Олимпијадата во Рио. Бака претставува инспирација и докажува дека ништо не е невозможно и дека сите можат да ги реализираат своите соништа.

Нашите претставници, засега покажуваат послаби резултати од очекуваните. Бикова која на Олимписките игри во Лондон го освои златниот медал, овој пат во дисциплината 10 метри со воздушен пиштол го освои седмото место со 92.8 круга, додека Каранфилов не се пласираше во финале.

ВИДЕО: