Споделете со пријателите!
Уринарна инконтиненција е чест проблем кај возрасната популација кој го нарушува квалитетот на животот на возрасната популација. Се јавува при кашлање, кивање, трчање, дигање на тешки предмети, брза промена на положбата на телото (на пример: при брзо станување) или при други физички активности.
На вашите прашањата еднаш неделно ќе одговара д-р Димитар Стровјановски, д-р Игор Чипуровски, д-р Влатко Ристов и д-р Даниел Петровски
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитуван д-ре, имам 59 години и 102 кг. Веќе две години имам проблем со уринирање, мокрам повеќе од 15 пати дневно, а и ноќе станувам по 4-5 пати.Порано пиев еден грчки лек по два пати дневно , но го прекинав зашто немаше некој ефект , а и устата многу ми се сушеше.Има ли некое подобро решение?
Г-ѓо Савка, пред се би ви порачал да примените диета за намалување на телесната тежина. Во однос на фармаколошката терапија, ви препорачувам лек кој има многу подобар ефект од грчкиот и минимални несакани ефекти ( Тbl. Solifenacin 5 mg еднаш навечер, 3 месеци ).
Докторе, имам 65 години, испитував простата, ми велат во ред е за тие години, но јас често мокрам и кога имам нагон едвај додржувам до тоалет и се подмочувам.Проблем ми е особено ноќе да станувам по пет пати, а нема голема количина на урина.Размислувам да ставам пелени навечер или има некое лекарство за мојава мака?
Г-дине Живко, симптомите кои ги опишувате не мора да се должат само на зголемена простата. Постои состојба т.н. невроген ( спастичен ) мочен меур при која е зголемен спастицитетот т.е. контрактилноста на неговата мускулатура и како последица на тоа и мала количина на урина во него предизвикува нагон за мокрење и неволно испуштање на урина. За да ги избегнете пелените, ви препорачувам 3 месечна терапија со селективни антимускариници ( пр.Solifenacin ).
Pocituvani imam 64g i neodamna se penzionirav. Vo poslednive 2-3 meseci mi se slucuva nekolku pati nedelno da se podmocam vo tekot na nokjta. Maticniot lekar mi preporaca da namalam vnes na sol, tecnosti, kafe i alkohol. Jas seto ova go napraviv no problemot seuste postoi. Sto ponatamu, ova seriozno mi smeta i se sramam od zena mi?
Г-дин Димо, Кaj вас треба да се направат комплет иследувања на УТ и простата ( ЕХО со рест урина, ПСА, уринокултура ). Во зависност од тоа дали имате и други опструктивни или иритативни СДУТ, треба да се отпочне со терапија за БПХ (селективен алфа блокер – Tamsulosin и/или 5 АРИ инхибитор – Finasterid / Dutasterid). Доколку и понатаму нема подобрување, се препорачува дополнителна терапија со селективeн антимускариник ( Тbl. Solifenacin ).
Докторе имам 52 години мајка сум на 3 деца и работам како воспитувачка. Последниве 6 месеци не можам успешно да ја вршам работата затоа што многу често ми се оди по нужда (10-15пати) и понекогаш дури и недодржувам. Матичната ми препорача да намалам кафе, цигари и течности и да одам во тоалет плански на 2 часа па малку е подобро. Сепак и навечер лошо спијам бидејки 3-4 пати станувам за потреба. Дали има некој лек?
Г-ѓо Стефка, вие страдате од т.н. мешан тип на уринарна инконтиненција. Освен хигиено-диететски режим кој го препорачала вашата матична лекарка, потребно е да направите и дополнителни иследувања ( ЕХО на уринарен тракт со рест урина, уринокултура со антибиограм и цистоскопски преглед, како и прелгед кај матичен гинеколог).