Споделете со пријателите!
Се проценува дека заразени се повеќе од 50% од возрасната популација во развиените земји, односно 80% до 90% од населението во земјите во развој. Заболени лица може да се развјат гастритис, гастричен или дуоденален улкус, аденокарцином на желудник или не-Хочкинов гастричен лимфом.
На вашите прашањата еднаш неделно ќе одговара д-р Александар Манолев
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Pocituvani, uste pred 10tina godini mi bese dijagnosticiran helikobakter. Piev antibiotici pa nekolku godini nemav problem. No potoa pak se vrakjaa simptomite i uste 2-3 pati po odredeno vreme bev na antibiotska terapija za Helicobakter a seuste problemot ne mi e resen. Dali ima nekoe drugo resenie. Odnapred blagodaram
Почитуван Ристе,
Многу е битно кој тест е користен за испитување на бактеријата. Ако имате позитивни тестови од крв (а не е испитано од измет) советувам најпрвин да се испита тест од измет. Сепак, вие имате долги години проблеми па она што е исто така битно е: дали досега сте правеле гастроскопија? Со оглед на должината на болеста би ви советувал гастроскопија со испитување на Х. Пилори преку биопсија во желудникот (доколку досега не е направена дијагностиката).
Би ви советувал консултација со интернист пред почеток на терапијата најмногу поради комплексноста и динамиката на вашата состојба.
Со почит,
д-р. Александар Манолев, специјалист интернист
Поздрав докторе, бремена сум 4ти месец. Имав доста проблеми со киселини и ми потврдија хеликобактер. На матичен лекар ми рекоа дека не се препорачува антибиотски третман сега и да почекам до после породувањето. Сепак болката во стомакот ми продолжува а прочитав и на интернет дека може да добијам чир ако не се третира. Ве молам за мислење што може да пијам за третман на хеликобактер додека сум бремена. Со почит,
Почитувана Славица,
Во текот на бременоста Х. Пилори не се третира со тројна терапија, него со пробиотска терапија. Кај нас на пазарот имаме Пробиотик Хеликобаланс кој е дозволен да се дава кај бремени жени. После породувањето, поготово после прекинот на доење може да се размислува за третман на бактеријата доколку сеуште е присутна. Контролата ќе ја направите со тест од измет, а не од серум(крв). Би ви советувал консултација со интернист пред почеток на терапијата.
Со почит,
д-р. Александар Манолев, специјалист интернист
Почитуван д-ре, имам 52 години,економист по професија.Патам од хроничен гастритис со болки и киселини веќе 5 години наназад.На почетокот направив тест за Хеликобактер, беше малку над дозволената граница и не ми дадоа никаква терапија за тоа.Пијам само антациди по потреба , но и тие не ми делуваат секогаш.Читам дека Хеликобактер е опасна бактерија и дека може да доведе до компликации.Треба ли да го испитам и каков совет ќе ми дадете за мојот проблем?
Почитуван Трајан,
Третманот на бактеријата не е толку зависен од висината на титарот колку што е зависен од симптомите. Со оглед на вашите години и клиничката слика која е перзистентна и ви прави проблеми, би советувал третман најмногу поради смирување на симптомите. Тоа би имало и поголемо значење доколку земате дополнително лекарства (за покачен притисок, маснотии и т.н).
Би советувал консултација со интернист пред било кое дијагностичко и терапевтско решение. Согласно прегледот не се исклучува и гастроскопија доколку при прегледот се оцени дека имаме потреба од дополнителна дијагностика, имајќи ги предвид вашите години и евентуално присуството на улкусна болест (чир) која со сигурност ќе иницира третман на бактеријата.
Со почит,
д-р. Александар Манолев, специјалист интернист
Осеќам понекогаш тапи болки во цревата желудникот и позади кај грбот и бубрезите како пецкање може ли да е до желудочна к-на