Најголемата пречка во третирањето на машката менопауза може биде разговорот за симптомите бидејќи многумина не се чувствуват удобно да разговараат на сексуални теми со своите доктори.
Андропауза, или машка менопауза, е период кај мажите за време на кој тие претрпуваат хормонални промени. Машката менопауза вклучува намалување на производството на хормонот тестостерон кај мажите на педесет годишна возраст или постари. Тестостеронот е хормон што се произведува во тестисите кај мажите. Тој претставува многу повеќе од само хормон што го зголемува сексуалниот нагон. Тестостеронот ги поттикнува промените за време на пубертетот, ја зголемува психичката и физичката енергија, ја одржува мускулната маса и регулира многу други клучни еволутивни карактеристики кај мажите.
Машката менопауза се разликува од женската менопауза по две клучни работи. Првата е тоа што не сите мажи ја доживуваат, а втората работа е тоа што не вклучува целосно исклучување на репродуктивните органи. Сепак, сексуални компликации може да настанат како резултат на намаленото ниво на тестостеронот.
Симптоми на андропауза кај мажите
Машката менопауза може да предизвика физички, сексуални и психолошки промени кај мажот. Тие ноже да се влошуваат со текот на стареењето. Промените што настануваат кај мажите во периодот на андропаузата може да вклучат:
- Намалување на енергијата;
- Чувство на депресија или тага;
- Намалена мотивација;
- Намалена самодоверба;
- Потешкотии со концентрацијата;
- Несоница или потешкотии со спиењето;
- Намалена мускулна маса и чувство на физичка слабост;
- Гинекомастија или развој на гради;
- Намалена коскена густина;
- Еректилна дисфункција;
- Ннамалено либидо.
Освен овие вообичаени симптоми, во некои случаи кај мажите може да се појави чувство на отечени и чувствителни гради, намалена големина на тестисите, губење на телесни влакна или топли бранови. Ниското ниво на тестостерон поврзано со машката менопауза, исто така, е поврзано со остеопороза.
Промени на хормонот тестостерон во текот на годините
Пред влегувањето во периодот на пубертет кај мажите нивото на тестостерон е ниско. Потоа кога мажот е сексуално зрел нивото на тестостерон се зголемува. Имено, тестостеронот е хормон кој ги поттикнува типичните промени кои се случуваат кај машкиот пол за време на пубертетот, како што се:
- Зголемување на мускулната маса;
- Раст на телесни влакна;
- Менување на гласот;
- Промени во сексуалното функционирање.
Како што мажот старее нивото на тестостерон почнува да опаѓа. Според „Mayo Clinic“, нивото на тестостерон кај мажите откако ќе наполнат 30 години во просек се намалува за 1%. Но некои здравствени состојби можат да предизвикаат порано или драстично намалување на нивото на тестостерон.
Третман на андропаузата
Освен ако андропаузата не предизвика посериозни симптоми или промени коишто би можеле да го нарушат комфорот во вашиот живот, најверојатно ќе го контролирате овој период без посебен третман. Најголемата пречка во третирањето на машката менопауза може биде разговорот за симптомите бидејќи многумина не се чувствуват удобно да разговараат на сексуални теми со своите доктори.
Третманот на машката менопауза најчесто вклучува активности кои се практикуваат за да се овозможи поздрав начин на живот, како на пример:
- Здрава исхрана;
- Редовно вежбање;
- Квалитетен сон;
- Намалување на стресот.
Овие промени во животниот стил може да бидат корисни за сите мажи без разлика дали доживеале период на андропауза. По усвојувањето на овие навики, мажите кои имаат симптоми на андропауза може да забележат голема промена во целокупното здравје.
