Причина за појавата наречена „суво око“ е недоволното количество солзи кои ги произведува окото или слабиот квалитет на солзите чија примарна функција е навлажнување на сетилото за вид
Печење на очите, немање доволно солзи за редовно влажнење на окото, носење контактни леќи, подолго управување со автомобил, работа со апарат за заварување, се само дел од причините за појава на состојбата наречена „суво око“.
Ова појава е многу честа, во ситуација кога солзите не се во можност да обезбедат соодветно подмачкување на окото. Причина за ова е недоволното количество солзи што ги произведува окото или слабиот квалитет на солзите, чија примарна функција е навлажнување на сетилото за вид. Чувството на суво око најчесто е непријатно, чувствуваме како очите нè печат или горат, па постојано ги триеме за да обезбедиме солза за нивно подмачкување. Нашите солзи се комплексна мешавина од вода, масла и слуз, која помага да го одржува окото со постојана влажност, и овозможува заштита од инфекции.
Причини за појава на „суво око“
Кај некои пациенти, причината за појавата на „суво око“ е намаленото лачење на солзите, додека кај други, причина е брзото испарување на солзите или нерамнотежа во составот на солзата.
Намаленото лачење на солзите или кератоконјунктивитис сика е главна причина за појавата на оваа состојба и е предизвикана од процесот на стареење, дијабетесот, ревматоидниот артритис, лупус, склеродерма, Сјоргенов синдром, нарушување на тироидната жлезда, како и недостаток на витамин А.
Покрај медицинските причини за појава на „суво око“, ветрот, чадот и сувиот воздух, се едни од главните виновници за непријатното чувство кај органот за вид. Секако, не смее да се заборави и нерамнотежата на состојките кои ја сочинуваат солзата. Можна причина за појава на „суво око“, може да биде од затнување на малите жлезди на работ на очните капаци (meibomian), коишто го произведуваат маслениот дел од солзата.
Според последните познавања, како фактори кои влијаат за појава на „суво око“ се вбројуваат староста (над 50 години) и полот. Докажано е дека жените се повеќе подложни на појавата на „суво око“, во период на хормонални промени во организмот поради бременост, користење на апчиња за контрацепција или кога се во фаза на менопауза. Недостатокот на витаминот А, исто така може да предизвика појава на „суво око“, како и носењето контактни леќи.
Освен непријатното чувство на постојаното пецкање и чешање на окото, т.н. „суво око“, може да предизвика и одредени инфекции на органот за вид, како и оштетување на самото око, кое доколку не се лекува може да доведе до воспаление на очите, триење на површината на рожницата и проблеми со видот.
Лекување на проблемот „суво око“
Третманот најчесто вклучува вештачки солзи, со нивна редовна употреба, но доколку симптомите не се повлекуваат тогаш треба да се посвети поголемо внимание за останување на појавата на „суво око“. Во некои случаи, оваа состојба е последица, односно реакција од некоја друга состојба. Со откривање и лекување на основниот здравствен проблем ќе се елиминираат знаците и симптомите на „суво око“. На пример, доколку некој лек предизвикува суви очи, вашиот доктор може да препорача различни лекови кои не го предизвикуваат тој ефект. Тоа се најчесто медикаменти за намалување на воспаление на очните капаци. Антибиотиците за „суво око“, обично се земаат орално, иако некои се користат како капки за очи или маст.
Капки за очи за контрола на рожницата воспаление. Воспаление на површината на очите (рожницата) може да се контролира со капки за очи кои содржат циклоспорин или кортикостероиди, кои не се идеални за долгорочна употреба поради можните несакани ефекти.
Солза-стимулирачки лекови. Лекарства наречени холинергици помагаат за зголемување количината на солзи.
Други постапки кои може да се користи за лекување на суви очи вклучуваат затворање на каналите за солзи за да се намали нивната загуба, како и и користење специјални контактни леќи.
