Паметен начин да ја задоволите гладта помеѓу оброците
Страдате од паничен напад за закуска помеѓу оброците? Секако, можете да одговорите на повикот на вашиот гладен стомак, со некои грицки, колачи или некое чоколадо. Но немојте да се изненадите доколку набрзо повторно почувствувате глад. Тоа е затоа што ужинката од типот – колачи, солени грицки, чипс, најчесто содржат рафинирани јаглехидрати, кои ќе ви даде брз наплив на енергија, но набргу потоа води до повторно огладнување или таканаречен „crash“.
Затоа здравата ужинка води кон добри бенефити за вашето здравје и тело!
На пример здравата ужина може да ви го намали апетитот, за да го дочекате следниот оброк, гладни но не и лакоми. Многу подобро ќе се чувствувате доколку си нарачате или подготвите нешто нутритивно и помалку веројатно е дека ќе претерате со храната. Но исто така, ќе ви помогне да го одржите вашето ниво на енергија, и притоа да се чувствувате многу порасположени. Доколку направиме една статистика, ќе видиме дека дури четвртина од нашите калории, доаѓаат од секојневно конзумирање на разно, разни грицки. За жал, многу од нас не ја намалуваат количината на своите оброци редовни оброци за да се приспособат и на овие калории, па така во суштина си додаваме и „четврт оброк“. Истражувањата покажуваат дека преку разните ужинки ние внесуваме околу 580 калории, а тоа е одличен рецепт за зголемување на телесната тежина. Доколку сте редовен конзумент на грицките помеѓу вашите оброци, обидете се да се придржувате кон неколку едноставни упатства:
- Проверете го присуството на калории. Ужинката не треба да содржи повеќе од 200 калории.
- Земете ги хранливите материи кои ви се потребни. Изберете ужината која ќе ви даде енергија, и која е богата со протеини и влакна. Овие моќни хранливи материи можат да ви помогнат во нормализирање на нивото на шеќер во крвта, кои ќе ви помогнат да се чувствувате заситено и подолго време.
- Истражете и направете листа на здрави ужинки. Секогаш на вашето работно место, во вашата чанта или во автомобилот, имајте при рака здрава ужинка. И секогаш изберете ја паметната опција за здрава храна.
