zajacki-virus-i-transplantacija-na-koskena-srcevina
Споделете со пријателите!

Миксома вирусот за луѓето не само што е бениген, туку ги блокира компликациите при трансплантација на коскена срцевина, а истовремено ги уништува клетките на ракот и се верува дека во иднина ќе има поширока примена за други форми на рак, не само за формите на рак на крв
Научниците веруваат дека вирус што ги напаѓа зајаците може да помогне да ја направи побезбедна трансплантацијата на коскена срцевина и да ги зголеми можностите за пациентите кои не се во состојба да најдат донатори со потполно соодветна коскена срцевина. Во студијата објавена во Blood, научниците открија дека вирусот миксома – myxoma паралелно ги уништувал клетките на ракот и ја превенирал болеста наречена – Graft Versus Host. Таа е една од најопасните компликации за време на трансплантациите на коскена срцевина.

„Вирусот миксома претежно е застапен кај зајаците во Австралија и Европа, кој може да биде смртоносен за зајаците, но тој не влијае врз луѓето.“

Трансплантациите на коскена срцевина се важна форма на лекување за пациентите со рак на крв како леукемија или пак, мултипен миелом – multiple myeloma. Доколку коскената срцевина на пациентот не произведува доволно здрави матични клетки, здрави клетки може да бидат инјектирани за да се замени оштетената или болна коскена срцевина. Оваа постапка е ризична бидејќи ново трансплантираните бели крвни клетки може да го нападнат телото на пациентот. Ова може да доведе до отежнато дишење, абдоминална болка, а во најтешките случаи смрт.

Вирусот миксома претежно е застапен кај зајаците во Австралија и Европа. Овој вирус може да биде смртоносен за зајаците предизвикувајќи состојба наречена миксоматоза, но тој не влијае врз луѓето. Научниците извршија лабораториски тестирања на вирусот врз човечки клетки со закачување на миксома вирусот кон белите крвни клетки, пред да бидат трансплантирани. Откако биле трансплантирани, вирусот не само што ја блокирал болеста graft-versus-host, тој исто така ги убил и присутните канцерогени клетки.

Прочитајте:  Идеален подарок за секој хороскопски знак

Ова откритие е од најголема корист за пациентите кои се изложени на поголем ризик од оваа болест. Главниот истражувач во оваа студија Д-р Кристофер Р. Когл – Christopher R. Cogle вонреден професор на Колеџот за медицина при Универзитетот во Флорида – University of Florida, College of Medicine верува дека примената на овој зајачки вирус е од особено значење за пациентите кои се поизложени на graft-versus-host, а најмнгу за тие кои имаат потешкотии да најдат соодветен донатор. Доколку донаторот на коскена срцевина е само делумен парник за примачот, ризикот од graft-versus-host е околу 80%. Според Д-р Когл, афро-американските пациенти и постарите возрасни лица имаат најмали шанси да најдат потполно соодветни донатори на коскена срцевина.

„Миксома вирусот е една од најдобрите стратегии, бидејќи е ефективен, а сепак не влијае врз нормалните матични клетки“ – заклучува Д-р Когл.

По успешните тестирања на миксома вирусот врз човечките клетки, тимот научници сега настојува да ја тестира неговата ефикасност врз глувци. Тие се надеваат дека целосното клиничко испитување може да започне во текот на следната година, иако има многу работа пред да може да се започне. Потребно е да се развие клиничка класа од овој вирус и треба да биде спроведено безбедносно тестирање. Д-р Когл истакна дека развојот на миксома вирусот и целиот процес е патентиран од страна на една компанија, која сега настојува да собере парични средства за идните испитувања.

Според Грант Мак Фаден – Grant McFadden професор на Одделот за молекуларна генетика и микробиологија при истиот Колеџ, оваа студија за прв пат покажа дека вирус може паралелно да ја превенира graft-versus-host болеста и да ги убива клетките на ракот во лабораторија. Тој верува дека во иднина оваа постапка ќе има поширока примена за други форми на рак, не само за формите на рак на крв.


Споделете со пријателите!