teorija-na-ogledaloto_image
Споделете со пријателите!

Односите што ги одржуваме со другите се рефлексии или проекции на аспекти на нашата личност – аспектите што ги сакаме и оние што не ги одобруваме.
Сигурно ви се случило кога ќе ја продлабочите врската со некого, постепено да откривате аспекти на неговата личност што не ви се допаѓаат? Теоријата за огледалото на Жак Лакан ни помага да го разбереме овој процес.

Според францускиот психијатар и психоаналитичар, изградбата на нашиот личен идентитет се остварува со откривање на себеси во другите. Значи, односите што ги одржуваме со другите се рефлексии или проекции на аспекти на нашата личност – аспектите што ги сакаме и оние што не ги одобруваме.

Која е теоријата на огледалото?

Исто како што има делови од нашето тело што не ги сакаме кога гледаме во огледало, постојат одредени одлики во нашиот карактер и личност што не ги прифаќаме. Според теоријата на огледало во другите, наоѓаме рефлексии на сопствените црти што не ги сакаме, во повеќето случаи ова е комплетно несвесен процес.

Ние постојано проектираме аспекти на нашата личност кон другите. Во оваа смисла, теоријата на огледалото е визија која предлага промена на перспективата: Бидејќи е невозможно да се набљудуваме целосно од страна за да се ги откриеме недостатоците, па дури и нашите доблести, животот ни пласира врски кои директно ни ја покажуваат суштината на нашата личност.

На овој начин, другите стануваат огледало, во чиј одраз се гледаме самите себе и ни даваат можност да се сретнеме.

Директно или превртено огледало

Теоријата на огледалото може да функционира директно или обратно. Ајде да погледнеме еден пример. Замислете дека не ви се допаѓа себичноста на вашиот партнер. Ова може да значи дека ја проектирате сопствената себична особина што ја негирате.

Но, тоа исто така може да значи колку мала вредност имате во неговите очи, бидејќи става сè друго на прво место, но не и вас… Она што не ми се допаѓа кај другите, го корерирам во себе …

Можеби мислите дека вашиот шеф има премногу барања кон вас. Ова може да значи дека вие самите сте перфекционист, а вашиот менаџер не е ништо повеќе од одраз на барањата што сами си ги правите. Од друга страна, можеби сте премногу разсеани и ви треба малку строгост во животот.

Емоционални рани

Првата работа што ја правиме кога физички се повредуваме е да ја изразиме својата болка. После тоа започнуваме да ја чистиме и заздравуваме раната со вистинскиот лек.

Ние не ја покриваме за да ја скриеме и заборавиме, затоа што знаеме дека тоа не е начинот.

Потоа, ние поминуваме неколку дена во грижа за неа, осигурувајќи се дека таа нема да се зарази, итн.

Прочитајте:  Дел од мозокот што обработува негативни настани е поврзан со депресија

Што правиме за нашите емотивни рани?

Емотивните рани се емоции, чувства, мисли и начини на дејствување кои се плод на еден или повеќе болни моменти во нашите животи што не можеме да ги надминеме и прифатиме. Стануваме затвореници на оние емоции кои не држат во измислен затвор.

Заздравувањето на нашите емоционални рани (од кои зависи нашата благосостојба) вклучува трансформирање на овие емоции и начини на размислување во мудрост и искуство, така што тие ќе ни служат во тешки периоди од животот.

Емотивни рани како проекција

Кога ги запоставуваме раните (и останале неизлекувани), тие стануваат дел од несвесното и влијаат врз нашите мисли, нашата емоционална состојба и нашето однесување.

Ако не ги лечиме, тие можат да станат составен дел од нашата природа, односно призма преку која да се прекршува сè што ни се случува.

Честопати, кај нашиот партнер или кај луѓето околу нас, наоѓаме недостатоци кои се многу слични на нашите. И токму тоа е причината за нашата поврзаност со нив.

На пример, две лица кои пателе многу заради љубовта, се сретнуваат и откриваат дека љубовта всушноста не боли.

Овој пар е обединет од една и иста рана, но и обајцата треба да бидат многу внимателни затоа што раните што ги обединуваат исто така можат да ги разделат. Потребно е и двајцата да ги излечат своите емотивни рани, во спротивно ќе започнат да ја поткопуваат нивната среќа и врска.

Несигурност, стравови, љубомора … како животот да се стреми да ни испрати секакви искушенија (кои всушност се нашите сопствени проекции) кои ќе го одбележат патот по кој мора да одиме за да растеме. Ако не ги анализираме и не ги искористиме информациите што ги добиваме (наши сопствени недостатоци што ги проектираме на на нашиот партнер), нема да растеме и и да се развиваме и, како резултат, нашите односи ќе бидат многу кревки.

Затоа, според теоријата на огледалото, односите што ги одржуваме со другите можат да ни дадат многу вредни информации за себе и раните што ги носиме во себе.


Споделете со пријателите!