nov-mikroskop-moze-da-gi-identifikuva-najdobrite-spermatozoidi_image
Споделете со пријателите!

Нова микроскопска технологија не само што дава нова надеж, туку најверојатно ќе ја промени сферата на репродуктивната асистенција
Според Центрите за контрола на болести и превенција – CDC, повеќе од 10% од американските жени на возраст од 15-44 години имаат проблем со зачнувањето или со одржувањето на бременоста. Благодарение на асистираната репродуктивна технологија – ART, со која јајце клетките се оплодуваат со сперма во лабораторија, а потоа се враќаат во матката на жената, најчесто е последна шанса за сите двојки кои имаат проблеми да родат дете. Сепак, овој многу скап третман може уште повеќе да обесхрабри, поради тоа што стапките на успешност на ART се ниски, поточно нудат само 20-30% успешност, велат од CDC.

Методот на д-р Шејкт за издвојување на најдобрите сперматозоиди може да се примени и кај двата методи за вештачко оплодување

Сперматозоидите се речиси транспаренти под стандарден микроскоп. Тие се разликуваат само малку од околината во која пливаат, што резултира со слаб контраст на сликата. Клетките на спермата исто така не можат да бидат боени, доколку целта е оплодувањето, затоа што овој процес може да го оштети идниот фетус. Предизвикот е да се прецизираат и издвојат јаките сперматозоиди што се кандидати, без да им се прават дамки.

Истражувањето неодамна објавено во „Плодност и Стерилитет“ – Fertility and Sterility беше предводено од страна на Д-р Нејтан Шејкт – Natan Shaked од одделот за биомедицински инженеринг при Факултетот за инженерство од Универзитетот во Тел Авив заедно со неговиот студент од постдипломски студии д-р Мики Хајфелер – Miki Hifler. Сперматозоидите потребни за оваа студија биле земени од Клиниката за машка плодност во Хаим Шиба медицинскиот центар во Израел.

Постојат два ефективни методи за вештачко оплодување нашироко користени во денешно време. Првиот е ин-витро фертилизација, а вториот е интрацитоплазмичко инјектирање на сперма.

nov-mikroskop-moze-da-gi-identifikuva-najdobrite-spermatozoidi_image1Првиот метод се состои од лекување на жената со лекови кои ги принудуваат јајниците да произведуваат повеќе јајце клетки. Тие се ставаат во петриев сад заедно со спермата од мажот и се оставаат од три до пет дена да се оплодат, а потоа оплодени се вметнуваат во матката на жената. Вториот метод се состои од тоа што еден сперматозоид се инјектира во зрелата јајце клетка, а потоа исто така се трансферира во матката. Методот на д-р Шејкт за издвојување на најдобрите сперматозоиди може да се примени и кај двата методи, особено кај вториот.

„До сега лекарите ги одбирале најдобрите сперматозоиди според нивната брзина, но брзината не е секогаш показател за квалитетот на ДНК“ – истакна д-р Шејкт.

„Некои од најдобрите сперм-кандидати се бавни, па дури и неподвижни бидејќи нивните опашки не функционираат. Доколку ние можеме подобро да ја одредиме целосната структура и композиција на спермата, успешноста на ART третманите ќе биде поголема. Успешноста значи повеќе раѓања без вродени дефекти. Во случаите каде што обојувањето на примероците од спермата е невозможно, како на пример инвитро  или интраплазматичното инјектирање – нашиот уред овозможува ветувачка нова насока“ – додава тој. Истражувачкиот тим неодамна го достави својот патент и се подготвува да започне со клиничките испитувања следната година на пациентите кои чекаат инвитро оплодување во Израел.

Прочитајте:  Безболен скенер за вени

Уредот претставува мала црна кутија која се закачува на класичен лабораториски микроскоп. Тој е многу поевтин и полесен за употреба од конвенционалните интерферометрички методи на сликање. Овој нов начин на снимање на спермата ја одредува пропустливоста на светлина низ примерокот за да се одреди густината. Уредот е поврзан со софтвер што создава мапа на примерокот и други физички параметри за да се оцени одржливоста на спермата во реално време. Уредот чини 1.000 долари, па според тоа може да го има во речиси секоја ординација која поседува микроскоп.


Споделете со пријателите!