Што ни кажувaат науката и фактите кои се темелат на истражувачки докази во врска со употребата на канабис во лечење или олеснување на симптоми на болести и медицински состојби?
Употребата на марихуана и нејзините соединенија е во евидентен пораст насекаде во светот и поради тоа се почесто можат да се најдат мета-аналитички истражувачки студии кои имаат за цел да се анализираат резултатите од истражувањата за медицинскиот потенцијал на канабисот, начинот на кој се одгледува и неговото влијание на животната средина, начинот на кој канабисот влијае врз нашето тело и мозокот како и предвидувања за тоа која е иднината од користење на медицински канабис.
Употребата на медицинската марихуана вртоглаво расте помеѓу 2016 и 2020 година – бројот на луѓето во САД кои имаат дозвола за купување се зголемил за 4 пати и сега достигнува околу 3 милиони; од таа бројка се исклучени лицата кои употребуваат медицинска марихуана вон службените програми. Нешто слично е и во Австралија а во Велика Британија каде што медицинскиот канабис е легализиран во 2018 година, се издадени само 60 рецепти службено до 2020 но се проценува дека медицинскиот канабис “под рака” го набавиле и користеле повеќе од 1.4 милиони луѓе.
Историја
Канабисот како лек се користел отсекогаш. Уште во 2700 година пред новата ера, царот Шен Нунг, таткото на кинеската медицина, тврдел дека канабисот може да лечи многу болести – од деменција до проблеми со помнењето.
Во западната медицина канабисот станува популарен кон крајот на 19 и почетокот на 20 век; еден од лекарите на кралицата Викторија го користел за лекување на нејзините симптоми на предменструални тегоби. Пред да биде забранет во САД во 1942 година, канабисот бил вметнат во националната фармакопеја на САД кој е службен попис на најчесто користени лекови.
И покрај оваа долга историја на канабисот, ние денес многу малку знаеме за неговите здравствени бенефити. Тоа се должи на фактот што има прилично строги прописи кога се спроведуваат истражувачки студии на луѓе како и законски одредби кои од неодамна почнаа да се укинуваат. Сепак и покрај скромната бројка на истражувачки податоци, постојат некои знаци кои ветуваат а редовно се појавуваат и нови податоци околу проценките за корисноста и штетноста за канабисот кога се употребува во медицински цели.
И сега се поставува прашањето – како можеме да знаеме дали и зошто е марихуаната добар лек?
Во овој текст ќе се осврнеме на 20-тина состојби за кои е во тек “aктивна истрага” или за нив веќе се покажала потенцијална корист од лекувањето со медицински канабис. Стручњаците од New Scientist направиле преглед на голем бој најнови истражувања како би утврдилe кај кои болести постојат цврсти докази за користа од канабис, кај кои не може точно да се утврди и кај кои болести канабисот не само што нема никакво дејство туку може и да ја влоши состојбата.
Зошто канабисот има медицински потенцијал?
Најголем број од истражувањата покажале дека соединенијата на канабисот може да го зголемат апетитот, да го поттикнат чувството на опуштеност и да предизвикаат одреден степен на еуфорија и подобрување на расположението. Овие како и многу други ефекти се одвиваат со посредство на клеточна сигнализација во телото познато како ендоканабиноиден систем. Хемиските соединенија познати како канабиноиди не ги произведува само растението канабис туку и нашето сопствено тело а и едните и другите делуваат на овој сложен систем. Ендоканабиноидниот систем е откриен во 1980 година и е познато е дека помага во регулирање на битни процеси во телото како глад, сон, расположение и телесна температура. Неодамнешните истражувања покажале дека дисфункцијата на овој систем е поврзана со некои медицински состојби вклучително и Паркинсонова болест и мултиплекс склероза што укажува на потенцијални нови начин на лекување.
Научниците во марихуаната имаат откриено повеќе од стотина активни соединенија, канабиноиди. Уште сме на самиот почеток со спознавањето на нивната фармакодинамика и начинот на делување како и физиолошките делувања врз нашиот организам кога сме здрави и при состојба на болест. Најпознати канабиноиди се тетрахидроканабинол (ТHC) и канабидиол (CBD). Експериментите на животни покажале дека и двете хемиски соединенија имаат против воспалителни и антиоксидативни својства, што би можело да биде основата за нивниот терапевтски потенцијал.
Но, канабиноидите се само врвот на ледениот брег, вели Kevin Boehnke од Универзитетот во Мичиген. Марихуаната исто така содржи молекули познати како флавоноиди и терпени, соединенија кои природно се наоѓаат во овошјето и зеленчукот и за кои се знае дека имаат благопријатно дејство на нашето здравје. “Сепак, во анализирањето на медицинската корисност на канабисот мора да се пристапи внимателно, темелно и пред се, објективно. Бидејќи марихуаната не е лек за се и нема да доведе до олеснување на симптомите кај секој и за секоја состојба”- додава Boehnke.
Извор: Marihuana kao lijek: sve što trebate znati, a nemate koga pitati – Medicina @ Bug.hr
