Брзо јадење за брзиот живот кој го живееме…
Не мора кратко да се готват, но важно подготовката да е кратка и брза, а сепак да се вкусни и недосадни. Овој рецепт е еден таков.
- 2 млади лукчиња, исецкани на кругчиња (или 2 – 3 истолчени чешниња стар лук);
- 2 лажички кинеска мешавина од 5 зачини*;
- 3 лажици соја сос;
- 1 – 2 лажици мед;
- малку масло;
- ½ kg пилешки крилца.
Помешајте ги првите четири состојки и прелијте ги врз пилешките крилца, кои сте ги наредиле во тавче врз малку масло. Ставете ги да се печат на 200°C околу 25 минути и превртувајте ги од време на време, 2 – 3 пати во текот на печењето. Најзгодно е да ги ставите компирите да се печат во исто време со крилцата, затоа употребете две тавчиња кои ги собира истовремено во рерната.
* кинеската мешавина од 5 зачини се состои од цимет, каранфилче, анасон, ѕвездест анис и сечуански бибер. ако немате ваква мешавина, ставете ги оние зачини кои ги имате. Освен цимет и каранфилче, во овој рецепт добро одат и ѓумбир и кардамом.
Покријте го дното на тавчето со слој крупна морска сол и врз неа наредете ги компирите. Времето на печење зависи од големината на компирите, па проверувајте ги од време на време. Компирите ќе попримат сол колку што им треба, иако понекогаш кога се поголеми, може да не се доволно солени. ама не е страшно, сол секогаш може да се додаде.
* рецептите со во целост преземени од ситно сецкано
