Силно нискиот крвен притисок може да го лиши мозокот и другите витални органи од кислород и хранливи материи, што доведува до опасна по живот состојба наречена шок.
Хипотензија или низок крвен притисок е состојба спротивна на хипертензија, која не е толку честа појава како хипертензија, но сепак е здравствена компликација. Најдобро е да се разбере како физиолошка состојба, а не болест. Силно нискиот крвен притисок може да го лиши мозокот и другите витални органи од кислород и хранливи материи, што доведува до опасна по живот состојба наречена шок. По дефиниција систолен крвен притисок помал од 90 милиметри живин столб (mm Hg) или дијастолен со помалку од 60 mm Hg генерално се смета за хипотензија.
За некои луѓе кои вежбаат и кои се во врвна физичка состојба, нискиот крвен притисок е знак за добро здравје и фитнес. За многу луѓе, прекумерно низок крвен притисок може да предизвика вртоглавица и несвестица или да укажува на сериозни срцеви, ендокрини или невролошки пореметувања.
Причини за појава на хипотензија
- Намален волумен на крвта, хиповолемија е најчеста причина за хипотензија. Ова може да се случи заради крварење; недоволно внесување на течности, анемија, глад и прејадување или прекумерни загуби на течности при дијареа или повраќање.
- Употреба на диуретици (лекови за намалување на крвниот притисок).
- Топлотен удар е состојба која исто така води до намалување на крвниот притисок.
- Во овој случај телото може да има доволно течност, но не ги задржува електролитите.
- Хроничната употреба на алфа блокатори или бета блокатори. Бета блокаторите може да предизвикаат хипотензија и со забавување на срцевиот ритам и со намалување на способноста за пумпање на срцевиот мускул.
- Некои состојби како што се тешка конгестивна срцева слабост, голем миокарден инфаркт, проблеми со срцевите залистоци или екстремно ниска срцева фреквенција (брадикардија), често водат до хипотензија и брзо може да напредуваат кон кардиоген шок.
- Прекумерна вазодилатација или недоволна констрикција на крвните садови предизвикува хипотензија. Ова може да се должи на пореметување во функцијата на симпатичкиот нервен систем или на зголемена парасимпатичка активност која се јавува како последица на повреда на мозокот или на ‘рбетниот мозок.
- Прекумерната вазодилатација исто така може да се случи при сепса, ацидоза или лекови, како што се нитратни препарати, блокатори на калциумовите канали или антагонисти на АТ1 рецепторите. Многу анестетици и техники за анестезија, вклучувајќи ја спиналната анестезија и повеќето инхалациски агенси, водат до значајна вазодилатација.
Падот на крвниот притисок се карактеризира со вртоглавица, замор, гадење или тешкотии при дишење. Добро е да се знае како да се справиме со оваа состојба и да ги знаеме кои се едноставните чекори за прва помош во случај на хипотензија:
Легнете: Во моментот кога ќе почувствувате болка во градите, вртоглавица, зуење во ушите или било кој друг симптом на низок крвен притисок, легнете на рамна површина. Затворете ги очите неколку минути или додека не почувствувате дека вашиот притисок се нормализира.
Соли за орална рехидратација или ОРС: не само што го рехидрира телото, туку исто така и помага во одржување на балансот на електролитите. Подгответе кесичка од ОРС како што е објаснето на кесичките и испијте ја .
Вода за пиење: Ако немате ОРС на располагање, може да пиете и обична вода. Можете дури да додадете цеден лимон малку сол и шеќер во водата. Натриумот во солта го подобрува крвниот притисок додека шеќерот помага во обновувањето на нивото на гликоза (ако хипотензијата е предизвикана поради ниска гликоза во крвта или хипогликемија)
Вообичаена практика што ја следат повеќето луѓе е да јадат солена храна за да се подобри содржината на сол во телото, со што се стабилизира крвниот притисок.
Откако ќе почувствувате дека вашиот крвен притисок се нормализира, веднаш консултирајте се со лекар за да ја дијагностицирате точната причина.
