Физичка активност и менструален циклус

Доколку спаѓате во несреќната група девојки кои страдаат од изнемоштеност и грчеви во текот на месечниот циклус, може би сметате дека треба целосно да го отфрлите вежбањето.

Менструалните циклуси се сосема природни, но понекогаш знаат да бидат незгоден дел од животот за жените. Доколку спаѓате во несреќната група девојки кои страдаат од изнемоштеност и грчеви во текот на месечниот циклус, може би сметате дека треба целосно да го отфрлите вежбањето. Разбирањето на сопственото тело ќе ви помогне да научите како „да се носите со сопствената природа“. Наместо да се повлечете во кревет и да боледувате една недела во месецот, направете подобри избори, научете да го слушате сопственото тело, и при тоа ќе бидете во состојба да продолжите со вежбањето во текот на целиот месец. Еве неколку корисни информации кои ќе ви послужат за да го научите јазикот на сопственото тело. Во неделата после завршување на менструацијата, нивото на естрогени започнува брзо да се зголемува при подготовка за овулација.

Фаза 1 (1-5 Ден)

Во првите денови од циклусот, губењето на крв во комбинација со пониски нивоа на хормонот прогестерон може да доведе до замор на мускулите. Во оваа фаза потребата да се навалите во креветот е сосема оправдана, но повеќето лекари препорачуваат сепак да изберете да вежбате но помалку време и со поголем интензитет, во период може да ги избегнете вежбите со големи тежини, а краток тренинг со висок интензитет кој не вклучува дигање на тежина HIIT е совршен избор. Сепак во овој период ако вашето тело ви сигнализира дека сте комплетно неспособни тогаш во првите два дена не го игнорирајте овој сигнал. Едноставно пешачење ќе биде сосем доволно.

Фаза 2 (5-14 Ден)

Во пост-менструалната фаза (од 5 до 14 ден), нивото на естроген и тестостерон се зголемува. Се зголемува и лутеинизирачки хормон кој почнува 24-36 часа пред овулација, помага во созревањето на јајце клетката. Ова ве става во подобро расположение, тогаш имате повеќе енергија, се чувствувате повесели и се чувствувате посилни. Вашата кожа станува блескава и се чувствувате самоуверено. За време на оваа фаза нашите тела сами ќе не поттикнат за вежбање затоа што нивото на енергија почнува да расте. Нивото на естроген го достигнува својот врв околу периодот на овулација. Во овој период идеално е да се изберат вежби со додавање на отпор и тежини за да се стимулира раст на мускулите.

Фаза 3 (15-28 Ден)

За време на предменструалната фаза (од 15-тиот ден до повторно започнување на нашиот период). Околу две недели пред следниот период, особено во неделата пред, може да почувствувате помалку енергија,и да се чувствувате по уморни од вообичаено. Бидејќи нивото на естроген опаѓа и сите останати хормони се со опаѓачки тренд, повисок е само прогестеронот. Физичката активност може да помогне полесно да се справите со предменструалните симптоми (ПМС) и покрај тоа што енергијата ви е помала. Пмс вклучува физички и психолошки симптоми кај жените .Според американскиот конгрес и гинеколозите во овој период се препорачува аеробно вежбање, кое вклучува брзо одење, трчање, возење велосипед и пливање. Обидете се да вежбате наутро, пред да се намали нивото на енергија додека трае денот.

Во фазата кога естрогенот е на повисоко ниво (после менструација), се зголемува температурата на телото, полесно ги складираме мастите и ги користиме како префериран метод на енергија. Оваа метаболна промена, од користењето на јаглехидрати до маснотии како енергија, ги прави стабилните кардио вежби најдобар избор. Одете на долга прошетка или трчајте и може да го завршите циклусот со јога тренинг. Факт е дека редовното вежбање помага да се чувствувате подобро пред и за време на менструација.

Независно во која фаза на циклусот сте не дозволувајте да одстапите од вашата цел да бидете здрави и да изгледате убаво и да се чувствувате прекрасно. Вежбајте паметно, слушајте го вашето тело, и ќе ги добиете резултатите што ги заслужувате.