avstralija-cekor-ponapred-vo-zabrana-za-testiranje-kozmetika-na-zivotni_image
Споделете со пријателите!

Нов предлог-закон предложен на Претставничкиот дом на Австралија би го забранил тестирањето на индустриски хемикалии за употреба во козметиката на животни
Минатата недела пред Претставничкиот дом на Австралија беше претставен предлог-законот со кој се цели кон забрана за тестирање на индустриски хемикалии наменети за употреба во козметиката на животни.

„Тестирањето на животни за првпат беше забрането во Германија во 1986 година“

Предложениот предлог-закон би влијаел на широк спектар на производи. „Козметиката“ е легално дефинирана како било која супстанција што се користи за да ги исчисти, разубави, парфимира или да ги заштити човековата кожа и коса. Во козметиката се вклучуваат сапуни, шампони, навлажнувачи, бои за коса, парфеми и дезодоранси.

Тешко е да се знае точно колку животни ќе бидат засегнати од оваа забрана, со оглед на тоа што компаниите не го рекламираат тестирањето на нивните производи на животните. Најверојатно бројот на животни би бил релативно мал, но оваа забрана ќе ги подобри нивните животи, а меѓудругото ќе биде многу важен чекор напред на глобално ниво.

Козметичкото тестирање најчесто ја мери реакцијата на кожата, очите и респираторните патишта на животните до високи концентрации на одредени хемикалии. Другите тестови го одредуваат потенцијалот на производот да предизвика абнормалности кај фетусот, рак или генетски мутации.

Тестирањето на козметички производи на животни има бурна историја. Јавноста сè повеќе се спротивставува на истото, но многу влади, меѓу кои и на Австралија, бараат тестирањето на животни да биде спроведено за новите потенцијално опасни козметички состојки.

Најистакната во ова барање е Европската Унија. Откако тестирањето на животни за првпат беше забрането во Германија во 1986 година, тоа потоа беше проширено на целата Унија во 2004 година. Во 2009 година, забраната беше проширена да вклучи и одделни состојки, а не само готови производи. Потоа увозот беше ставен под лупа, бидејќи Јапонија и САД се главни извозници во ЕУ, а увозот на козметички производи тестирани врз животни беше забранет во 2013 година.
avstralija-cekor-ponapred-vo-zabrana-za-testiranje-kozmetika-na-zivotni_image1

Оттогаш, многу земји, меѓу кои Израел, Индија, Норвешка, Нов Зеланд, Јужна Кореја, Турција, Тајван и делови од Бразил го забранија тестирањето на козметиката на животните. Меѓутоа, организацијата „Humane Society International“ проценува дека годишно на глобално ниво околу 100.000-200.000 животни сè уште се користат за оваа намена.

Прочитајте:  Прибор што се јаде [ВИДЕО]

САД, исто така, размислуваат за забраната на тестирање на животни, која драстично би го намалил пазарот за сите производители кои сè уште го практикуваат истото.

Ситуацијата во Австралија

До јули 2018 година, тестирањето на животни во Австралија сè уште ќе биде потребно за некои козметички состојки, бидејќи од Одделот за здравство сметаат дека е тоа е најдобро средство за тестирање на потенцијална токсичност на одредени хемикалии. По јули 2018, индустриските хемикалии предвидени за употреба само во козметиката би можело да не може да се тестираат на животни. Хемикалиите што се користат за други намени сè уште ќе може да се тестираат на животни, што ќе претставува потенцијална дупка за производителите.

Сепак, многу состојки веќе се тестирани на животните и многумина сметаат дека не е потребно за истите да се повторува процесот. За другите, нови состојки, се работи на развивање на алтернативни начини за тестирање, како преку клинички испитувања на луѓето и преку тестирање на нивоата на пенетрација на состојките на примероци од кожа од козметичката хирургија.

Во последните неколку години има големи достигнувања во алтернативните методи за тестирање на козметичките производи. Во иднина би можело да се користат диференцирани матични клетки.

Австралија веќе има воспоставено кодекс за грижа на животните и нивната употреба за научни цели. Во случајот со козметиката, штетата врз животните е често голема. Иако козметичката индустрија во Австралија не е голема според меѓународните стандарди, таа брзо расте, особено кога стануваат збор производите за тело и коса, заштита при сончање и производи против стареење. Овој кодекс во својот фокус го има етичкиот поглед „harm versus benefit“, слично на постоечкиот Австралиски систем, но без владиниот императив да се поттикне или да се бара тестирање на животни.


Споделете со пријателите!